VARSEL OM OPPSTART AV DETALJREGULERINGSPLAN MARIVEGEN, GNR./BNR. 44/4 M.FL., BJØRNAFJORDEN KOMMUNE

I medhald av plan- og bygningslova § 12-8 vert det varsla oppstart av detaljreguleringsplan for bustadområde i Marivegen, gnr. 44 bnr. 4 m.fl. i Bjørnafjorden kommune.

Om planområdet og planarbeidet

Formålet med planarbeidet er å leggje til rette for bygging av konsentrerte bustader og bustader i blokk med tilhøyrande infrastruktur og uteopphaldsareal i området sett av til sentrumsføremål i ny kommunedelplan for Bjørnafjorden vest.

Planarbeidet er i samsvar med kommunedelplan for Bjørnafjorden vest og strategisk plan for Halhjem sentrum.

Planavgrensinga er tilpassa pågåande detaljreguleringsplan for naboeigedom Marivegen, gnr. 44 bnr. 3, og infrastruktur, uteopphaldsareal, løysing for renovasjon og arkitektoniske grep må sjåast i samanheng med denne planen i det vidare planarbeidet.

Planen er vurdert til ikkje å løyse ut krav om konsekvensutgreiing jf. forskrift om konsekvensutgreiing.

Planområdet er om lag 21 daa.

Tiltakshavar er Halhjem sentrum AS og  plankonsulent er ABO Plan & Arkitektur AS.

Plangrense

Oversiktskart

Referat frå oppstartsmøte Marivegen vest 44-4

Planinitiativ Marivegen 44_4

For nærare informasjon og spørsmål kan dette rettast til:

ABO Plan & Arkitektur AS

v/ Mathilde Ilper Johnsen

e-post: mathilde@abo-ark.no

tlf: 928 36 077

Frist for innspel og merknader

Frist for uttale til oppstart av planarbeidet er sett til 08.05.2024. Uttaler og merknader skal vere skriftleg og sendast til:

ABO Plan & Arkitektur AS

Postboks 291

5203 Os

eller

e-post: offentlig.ettersyn@abo-ark.no

Det er ikkje naudsynt å sende kopi av uttalar til Bjørnafjorden kommune. Dette vil ABO Plan & Arkitektur AS sørge for i samband med innsending av planforslaget.

Vidare planprosess

Etter at frist for uttalar er gått ut, vert det utarbeida eit detaljert planforslag som skal handsamast av Bjørnafjorden kommune. Planforslaget vert så lagt ut til offentleg ettersyn. Det vil då verta høve til å kome med innspel og merknader til planforslaget. Etter at perioden med offentleg ettersyn er avslutta vil ein gå gjennom innkomne innspel og merknader og evt. justere planforslaget før endeleg godkjenning.

Dette planarbeidet vil bli koordinert med pågåande  detaljregulering for Halhjemsvegen, Marivegen gnr.44, bnr.3 (butikkplanen).

Melding om oppstart av planarbeid – Detaljregulering for Straumsreset hytteområde Fitjar kommune

I samsvar med plan- og bygningslova § 12-8 vert det med dette meldt at oppstart av arbeid med detaljreguleringsplan Straumsreset hytteområde på Kråko. Planarbeidet vert utført på vegne av tiltakshavar Thorland Bygg og Eigedom AS v/Geir Thorland.

Det vart halde oppstartsmøte 19.10.2023, der det var einigheit om at planarbeidet utløyser krav om konsekvensutgreiing, men ikkje planprogram.  Forslag til relevante tema for konsekvensutgreiing er følgjande: Landskap. Strandsoneverdiar og friluftsliv. Naturmangfald, landskap og maritimt miljø.

Detaljreguleringa sitt hovudføremål er å justera regulert situasjon ifht. bygd situasjon og regulert situasjon, samt legge til rette for fortetting innanfor planområdet. Fortettinga inneber fleire einingar enn gjeldande plan opnar for, og ein ynskjer også å vurdere ei høgare utnyttingsgrad enn det reguleringsplan Kråko opnar for. Planframlegget vil legge til rette for forskjellig type bygningar med ulik utforming. Ein ønskjer at fortettinga skal vera skånsam og ta omsyn til eksisterande terreng og eksisterande hytter i området. Intensjonen er å innordne seg landskap og eksisterande bygningar i området. Ein vil ha fokus på å legge til rette for allmenn ferdsel og grøntareal innanfor planområdet. Sjå følgjebrev, planinitiativ og situasjonsplan for detaljar.

Planområdet er avgrensa med bakgrunn i eigedomsgrenser, samt behov for infrastruktur og heilskap i området. Forslag til planområde utgjer om lag 190 daa.
I etterkant av oppstartsmøtet har ein etter avtale med kommunen utvida planområdet med gnr. 61/269 og 61/379 etter ønske frå grunneigar og tiltakshavar.

Planframlegget vil vera ei omregulering av deler av eksisterande detaljregulering for Kråko (2003), og deler av reguleringsplan HK-11, HK-76 og H-102, gnr 61 bnr 269, 148 og del av 273, Kråko (2013). I tillegg til desse omfattar planområdet 4 delplanar: Delplan H101, N13, N14, N15 (2009) der planendringa omfattar deler av delplanen for N101 og N15. Delplan H70, 71, 72, 72 (2005), der planendringa omfattar heile delplanen. Delplan H96, 98, 111 og 112. HN11a, N16 og S8, der planendringa omfattar heile delplanen. Delplan Kråko gnr. 61 bnr. 395 mfl., (2010) der planendringa omfattar store deler av delplanen.

Merknader
Moglege merknader og synspunkt til planarbeidet skal sendast skriftleg til:
ABO Plan & Arkitektur Stord AS, Postboks 32, 5401 Stord
Eller e-post: poststord@abo-ark.no / turid@abo-ark.no innan høyringsfristen: 08.05.2024

Vedlegg:
Følgjebrev. Varsel om oppstart Straumsreset
Planavgrensing 02.01.2024-A1
Vedlegg. A10-1 Situasjonsplan
Vedlegg. Planinitiativ Straumsreset. 13.09.2023
Vedlegg. Prinsippsøknad, oppstart Straumsreset hytteområde. 01.11.2023
Vedlegg. Politisk vedtak oppstart 14.11.23
Vedlegg. Referat frå oppstartsmøte

Melding om oppstart av planarbeid – Reguleringsendring Hamn, del av gnr. 65, 67 og 68. Fitjar kommune

I samsvar med plan- og bygningslova § 12-8 vert det med dette meldt at oppstart av arbeid med endring av detaljreguleringsplan Hamn, del av gnr. 65, 67 og 68. Planarbeidet vert utført av ABO Plan & Arkitektur Stord AS på vegne av tiltakshavar Havnehagen AS.
Det vart halde oppstartsmøte 28.09.2023, der det var einigheit om at planarbeidet ikkje utløyser krav om konsekvensutgreiing. I etterkant av møtet har ein utvida planområdet noko i sjø, etter einigheit med kommunen.

Planområdet er avgrensa med utgangspunkt i gjeldande plan. Til forskjell er godkjent plan for Rossneset barnehage gbnr. 65/533 trekt utanfor plangrensa, samstudes som planområdet er utvida  for å inkludere del av eksisterande småbåthamn. Planendringa vil i hovudsak vera justering av gjeldande plan for arealføremålsgrenser, arealføremål og type bebygggelse for spesifikke delområde. Sjå planinitiativ og prinsippsøknad for detaljar kring kva delområde ein ønskjer å gjera endringar på.

Oppstart av planarbeidet er initiert på bakgrunn av kommunen sin kontakt med tiltakshavar, der kommunen peika på behov for å leggja til rette for fleire rimelege bualternativ i sentrumsnære strøk. Rossneset vart her under trekt fram som eit av dei mest populære og sentrumsnære områda, der ein har ynskje om å kunne tilby ein meir variert butypologi tilpassa ulike brukargrupper. I samband med dette vart det drøfta ei omregulering av regulert og ubygd areal for konsentrert utbygging til frittliggjande bustadar. Samstundes drøfta ein også mogleik for å omregulere område for offentleg eller privat tenesteyting (tidlegare tenkt for barnehage) til frittliggjande bustadar. Utover dette omfattar planendringa elles mindre tilpassingar av plankart og føresegner.

Merknader
Moglege merknader og synspunkt til planarbeidet skal sendast skriftleg til:
ABO Plan & Arkitektur Stord AS, Postboks 32, 5401 Stord
Eller e-post: poststord@abo-ark.no / turid@abo-ark.no innan høyringsfristen: 18.04.2024

Vedlegg:
Følgjebrev. Varsel om oppstart
Planavgrensing
Planinitiativ_Rossneset 11.09.2023
Prinsippsøknad, Reguleringsendring Hamn, del av gnr. 65, 67 og 68. 01.11.23
Vedlegg. Politisk handsaming oppstart
Referat frå oppstartsmøte

Varsel om oppstart av reguleringsplan for utviding av Inka, gnr/bnr 29/333 m.fl.

I medhald av plan- og bygningslova § 12-8 vert det varsla oppstart av reguleringsplan for utviding av eksisterande Inka-fabrikk på Røtinga i Bjørnafjorden kommune.

Om planarbeidet
Formålet med planen er å utvide eksisterande fabrikk for å sikre større frysekapasitet. Dette vil gje ein betre drift av fabrikken, som no har utfordringar med kapasitet i anlegget på grunn av for lite fryselager.

Planarbeidet er ikkje i tråd med overordna kommunedelplan for Bjørnafjorden vest, der eigedomen er avsett til grønstruktur.

Planområdet ligg innanfor bandleggingssona for Hordfast, der det er krav om reguleringsplan for alle tiltak. Det har vert halde eit møte med SVV for å gjere innleiande avklaringar knytt til korleis utviding av fabrikken kan koordinerast med SVV sine vegtiltak i området for regulering av Hordfast.

Planen er vurdert å løyse ut krav om konsekvensutgreiing jf. forskrift om konsekvensutgreiing for tema friluftsliv. I samband med statleg plan for Hordfast er det gjort fleire kartleggingar og konsekvensutgreiingar knytt til naturmangfald og kulturminne. Planlagt tiltak vil ikkje vere i konflikt med funn som er gjort i samband statleg plan for Hordfast. Vurdering knytt til konsekvensutgreiing går fram av vedlagt planinitiativ.

Planområdet er om lag 17 daa.

Tiltakshavar er Inka Bygg og Eigedom AS og plankonsulent er ABO Plan & Arkitektur AS.

For nærare informasjon og spørsmål kan dette rettast til:
ABO Plan & Arkitektur AS
v/ Mathilde Ilper Johnsen
e-post: mathilde@abo-ark.no
mobil: 92836077

Frist for innspel og merknader

Frist for uttale til oppstart av planarbeidet er sett til 12.04.2024. Uttaler skal vere skriftleg og sendast til:
ABO Plan & Arkitektur AS
Postboks 291
5203 Os

eller

e-post: offentlig.ettersyn@abo-ark.no

Referat frå oppstartsmøte Gjelevika, utviding INKA

Planinitiativ INKA 19.02.24

Plangrense Oversikt

Varsel om oppstart og offentleg ettersyn planprogram, Detaljregulering for Røysaneset industriområde – Høylandsbygd, 202/140 mfl. Kvinnherad.

I samsvar med plan- og bygningslova § 12-8 vert det med dette meldt at oppstart av arbeid med detaljregulering for Røysaneset industribase- Høylandsbygd 202/140 mfl. Kvinnherad kommune, Plan-ID 20230002. Tiltakshavar er Røysaneset Industribase AS og Halsnøy Industribase  AS. Planområdet ligg i Høylandsbygd, på Halsnøy i Kvinnherad kommune. Det vart halde oppstartsmøte 03.08.2023, der det var einigheit om at planarbeidet utløyser krav om konsekvensutgreiing og planprogram. Planprogrammet er saman med varsel om oppstart sendt på høy­ring.

Hovudføremålet med planen er å leggje til rette for næring i form av maritim industri. Det har vore aktiv industridrift på området sidan 1970-talet. Det er planar om å vidareføre dagens aktivitet på området, samt utvide og foredle anlegga og aktiviteten. I dag er området nytta til ulike typar maritime tenester, der m.a. Halsnøy Dokk, Tronds Marine Service og Elektroen AS er etablert med skipsverft, industribase, verkstad, lager og kontor. Dei seinare åra har det blitt rydda opp på området, og det er lagt langsiktige planar for utvikling og drift. Planområdet er 507 daa. Det er berre eigedomane gnr. 202/33, 38, 132, 140, 141 og 142 som skal regulerast til i til næringsføremål. Plangrensa omfattar berre deler av eigedomar som grenser til hovudvegane i området. Desse er med grunna kommunalt krav om utbetring av vegføremål, samt for å sikre siktforhold. Det er utarbeida førebels vegteikningar som illustrerer vegutviding, fortau etc.. Plangrensa vil kunne verta redusert til å berre omfatte areal som det er trong for å regulere som del av planarbeidet.

Kommunen har vurdert at planarbeidet utløyser krav om konsekvensutgreiing, og planprogram. Sjå planprogrammet for detaljar.

Ope folkemøte
I samband med innspelsperioden vert det arrangert ope folkemøte. Føremålet med møtet er å informere om arbeidet og få innspel til det vidare planarbeidet.
Folkemøtet vert arrangert 11. april 2024 kl. 1700, kantina i administrasjonsbygget til Tronds Marine (Røysanesvegen 18).

Merknader
Moglege merknader og synspunkt til planarbeidet skal sendast skriftleg til:
ABO Plan & Arkitektur Stord AS, Postboks 32, 5401 Stord
Eller e-post: poststord@abo-ark.no / kari-hilde@abo-ark.no innan høyringsfristen: 22.04.2024

Vedlegg:
Følgjebrev. Varsel om oppstart
Planprogram Detaljregulering for Røysaneset industribase – Høylandsbygd. 27.02.2024
Planavgrensing 01.02.2024
Planavgrensing 01.02.2024 med veggeometri
Planinitativ Høylandsbygd industribase. 11.05.2023
Referat oppstartmøte og avklaring plangrense og veg